2024-02-19, 12:15 pm
من طرف ايه أجمل شيء في عيونك
قولت يااااه يامه
أجمل من ضي عيونه
ما لقيت وحياة عيونك
ابتسم ووشه ف الأرض
ورفع طرف عينه عليا
رمش صابني وصل لقلب
وساب كل الحنين ليه
خجل العيون وهي جريئة
ياااابوي حكاية بجد وهي حقيقة
كنت بسمع عنها ياااااامه
من زمان في قصص الحب في الأفلام
لكن معاه نظرة عينيه ياااني عليه
طب اقول ايه ينفع اكتب فيها اشعار
قالوا يا بنية حتكتبي شعر
اوعي جنون الحرف يمسك
حتنظمي قافية و ترصي بيان
حتقولي بيت وشطر كمان
لا ياجماعة صبر عليا
فيه عامية في وسط كلام
بس ادوني فرصة شوية
اعرف اجاري ملوك السطر
واكتب معنى يخص حبيبي
وامشي معاه على سطر وشطر
#وسام_القاضي
لا يوجد حالياً أي تعليق