2024-02-19, 12:15 pm
من طرف نياتي حزين
-----------
مالك يا سعادة واخدة جنب مني ليه
كل اما اجى افرح
تقوليلي مش مكانك ليه
شاعر انا وفي درب الهوى نياتي
بعزف على الوتر وقلبي بيبكي ويهاتي
امته حفرح زي الاحبة يوماتي
مع الهوى اللي عشت احلم بيه ليلاتي
قربت من الحبيب قالي
يا ولد ماانتش نصيبي وحياتي
شهداء الهوى اتجننوا وانا بجنوني بنادي
حفضل اغني على الوتر وافرح الاحبة
وحبيبتي ساكنة في قصر عالي
ليلاتي اروحلها والناي يغني غنوته
نفسي تبقي حلالي
رديت عليا مهجتي
قلبي ملك خيالي
جيت متأخر يا ولد
مش ممكن تبقى حلالي
شقت قلبي بردها
وصرخ آاااااااااه يا آهاتي
حفضل اغني على الوتر
والسعادة ليه مش بتنادي
يا دنيا افتكريني بقه
دا أنا المغنواتي
بقلم
ايمان محمود
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق