2024-02-19, 12:15 pm
من طرف وداعا يا غالي
----------------
صعبان عليه يابلد
ابني فيك بيتوأد
بادين خسيسة همها هدم البلد
شايل سلاحه لاجل يحميكي
ودع جيرانه وحابيبه بابتسامةجدعنة
انا رايح احرس البلد وجايلك يابهية
حعلي الزينة وافرح معاكي بليلينا
انتظرت بهية عرسها على اجدع ولد
وفي ليلة فرحها وفستانها الابيض كاسي قلبها
جالها الغالي بس متشال على الايادي
دمه الطاهر كاسي المطارح
وفستانها الابيض كان كفنه الناصع
شرف وعزة وقلب اتكسر
آاااااااااه يابني بيقولوا تارك
في رقبة جارك اللي كان بياكل
من طبق خالك
ويسمي ويكبر الله اكبر
وهو ما واعي ايه يعني دينه
يمكن شيطان في شكل انسان
مش عارف حرمانية دم انسان
وجانبي غالية واولادها تايهة
ابنها بينادي يا ابا تعالى لي
دا انت غطايا في ليل شتايا
وانت الفرحة في العيد معايا
آااااااااااااااااه يابني
وغلاوتك ما حنسى دمك ياغالي
لرفع بلادي وافني الاعادي
واحمي بهية ومحمد بن غالية
واخونا بولس حالف ليبقى على الود حافظ
وداعا يا غالي وربك اللي حامي
حيحفظ بلادنا وتاريخ جدودنا
وداعا وداعا يا دمي ياغالي
----------------------
بقلم
ايمان محمود
مجلة متخصصة في الشعر والخواطر والفنون
أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
لا يوجد حالياً أي تعليق